Sahibkarlıq

Sahibkarlıq

CEIBC üzləri Avropa İttifaqının Azərbaycandakı nümayəndəliyinin rəhbəri ilə görüşüb - FOTOSESSİYA

CEIBC üzləri Avropa İttifaqının Azərbaycandakı nümayəndəliyinin rəhbəri ilə görüşüb - <font color=red>FOTOSESSİYA</font>

02 noyabr 2011 09:25 (UTC +04:00)

Bakı. Viktoriya Dementyeva - APA-Economics. Bu gün Xəzər-Avropa İnteqrasiya İşgüzar Klubunda (CEIBC) Avropa İttifaqının (Aİ) Azərbaycandakı nümayəndəliyinin rəhbəri, səfir Roland Kobia ilə görüş keçirilib.

“APA-Economics”in xəbərinə görə, görüşü açıq elan edən CEIBC prezidenti Telman Əliyev Aİ-Azərbaycan münasibətləri, eləcə də klubun fəaliyyəti barədə məlumat verib.

Öz növbəsində R.Kobia qeyd edib ki, bu il qarşılıqlı səfərlər baxımından çox məhsuldar olub. O, Avropa Komissiyasının prezidenti Joze Manuel Barrozunun Azərbaycana səfər etdiyini xatırladıb, yaxın vaxtlarda isə Aİ-nin xarici siyasət və təhlükəsizlik məsələləri üzrə ali nümayəndəsi Ketrin Eştonun Bakıya səfər edəcəyini vurğulayıb: “Bütün bunlar Avropa İttifaqının Azərbaycanla əməkdaşlığa böyük əhəmiyyət verməsinin göstəricisidir”.

Azərbaycanın Aİ ilə assosiativ saziş imzalanmasına dair danışıqlar apardığını deyən səfir yaxın vaxtlarda tərəflər arasında viza rejiminin sadələşdirilməsinə dair danışıqlara başlanacağını söyləyib: “Bu isə azərbaycanlı iş adamlarının avropalı tərəfdaşları əlaqələrini yüngülləşdirəcək”.

R.Kobia iqtisadi və siyasi islahatların həyata keçirilməsinin, iqtisadiyyatın diversifikasiyasının əhəmiyyətini vurğulayıb, həmçinin BMT Təhlükəsizlik Şurasının üzvü seçilməsi münasibətilə Azərbaycanı təbrik edib: “Bu, Azərbaycanla Avropa İttifaqı arasında əməkdaşlığın inkişaf etdirilməsi üçün daha bir şans olacaq”.

Qeyd edək ki, görüşdə Polşa, Almaniya, Çexiya, Yunanıstan, Litva, Macarıstan və Qazaxıstanın Azərbaycandakı səfirləri, ölkəmizin işgüzar dairələrinin nümayəndələri iştirak edib. görüşün sonunda R.Kobiaya və adı çəkilən səfirlərə CEIBC-nin fəxri üzvü sertifikatları təqdim olunub.