Sahibkarlıq

Ana səhifə

Sahibkarlıq

Fevralda Sənayeçilər və Sahibkarların Beynəlxalq Konqresi Şurasının iclası keçiriləcək

22 dekabr 2011 07:29 (UTC +04:00)

Bakı. Vahab Rzayev – APA-Economics. Gələn il fevralın 8-də Sənayeçilər və Sahibkarların Beynəlxalq Konqresi (SSBK) Rəyasət Heyətinin Şurasının iclası Moskva şəhərində keçiriləcək. Konqresin üzvü olan Azərbaycan Sahibkarlar (işəgötürənlər) Təşkilatları Milli Konfederasiyasından «APA-Economics»ə verilən məlumata görə, bu barədə qərar ASK-nın prezidenti Məmməd Musayevin də iştirak etdiyi Şuranın son iclasında qəbul edilib.

İclasda Konqresin oktyabrın 6-da Bakıda keçirilmiş Şura iclasının və beynəlxalq konfransın yekunları müzakirə olunub. Rəyasət Heyətində SSBK-nın strukturunun modernləşdirilməsi, Konqres, onun üzv və tərəfdaşlarının layihə və proqramlarının həyata keçirilməsində fəaliyyətinin səmərəliliyinin yüksəldilməsi və 2012-ci ildə Konqresin fəaliyyətinin əsas istiqamətləri haqqında məsələlər müzakirə olunub. Konqresdə həmçinin M.Musayev çıxış edib.

Qeyd edək ki, Qara dəniz Əməkdaşlıq Təşkilatının Biznes Şurasında Azərbaycanı ASK təmsil etdiyi üçün nümayəndə heyəti Şuraya sədrlik dövründə Rusiya Federasiyası komitəsinin təşkil etdiyi «Qara Dəniz 2011 – İnnovasiya və investisiya layihələrinin nümayişi» mövzusunda sərginin açılışında və təşkilatın biznes Şurasının 41-ci iclasında da iştirak edib. İclasda katibliyin hesabatı dinlənilərək bir sıra təşkilati məsələlər müzakirə olunub. Şuraya sədrlik növbəti 6 ay müddətinə Serbiyaya keçib. ASK-nın prezidenti iclasda çıxış edərək, qarşılıqlı faydalı əməkdaşlığın inkişafı, yeni investisiya imkanlarından danışaraq, qurumun işinin canlandırılması üçün bir sıra təkliflər irəli sürüb.

Bundan başqa, nümayəndə heyəti Ukrayna Sənayeçilər və Sahibkarlar İttifaqının dəvəti ilə İttifaqın qurultayında iştirak edib, həmçinin Polşa İşəgötürənlər Konfederasiyasının dəvəti ilə iki gün ərzində Polşada olub.