Sahibkarlıq

Ana səhifə

Sahibkarlıq

Ötən il Bakı Biznes Tədris Mərkəzi 150-yə yaxın maarifləndirmə tədbiri keçirib

09 yanvar 2012 13:46 (UTC +04:00)

Bakı. Nicat Mustafayev - APA-Economics. Ötən il Azərbaycan İqtisadi İnkişaf Nazirliyinin Bakı Biznes Tədris Mərkəzinin təşkilatçılığı ilə iqtisadiyyatın müxtəlif sahələrini əhatə edən 150-yə yaxın maarifləndirmə tədbiri keçirilib.

Nazirlikdən «APA-Economics»ə verilən məlumata görə, 2011-ci il ərzində Bakı Biznes Tədris Mərkəzi və onun regional nümayəndəlikləri Bakı şəhərində və regionlarda sahibkarlıq fəaliyyəti ilə məş¬ğul olan hüquqi və fiziki şəxslərin, sahibkarlıq fəaliyyətinə yeni başlamaq istəyənlərin maarifləndirilməsi, onlara zə¬ruri nəzəri biliklərin və beynəlxalq təcrübənin, vərdişlərin və bacarıq¬ların aşılanması məqsədilə müxtəlif mövzularda - «Korporativ idarəetmə», «Mövcud və yeni ixrac bazarlarına çıxış imkanları», «Elektron ticarət və sahibkarlıq fəaliyyətində onun rolu», «Biznes-planların və investisiya layihələrinin hazırlanması», «İşgüzar əlaqələr», «Bacarıqların inkişaf etdirilməsi», «Aqrar iqtisadiyyat» və s. mövzularda 150-yə yaxın tədbir keçirib.

Bu tədbirlərdə iştirakçılara korporativ idarəetmə standartları, biznes-planların tərtib edilməsi, yüksək keyfiyyətli məhsul istehsalı və satışın təşkil edilməsi üçün işgüzar əlaqələrin qurulması, həmçinin elektron ticarət və onun əhəmiyyəti, elektron ticarətlə bağlı beynəlxalq təcrübə barədə ətraflı məlumatlar verilib, www.b2b.az elektron ticarət portalının təqdimatı keçirilib ki, treninqlərdə 5 mindən çox dinləyici iştirak edib. İştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanıb, onları maraqlandıran suallar cavablandırılıb.

Bundan başqa, «Azərbaycanda biznesin idarə olunması sahəsində kadrların ixtisasının artırılması üzrə Almaniya İqtisadiyyat və Texnologiyalar Nazirliyi ilə Azərbaycanın İqtisadi İnkişaf Nazirliyi arasında əməkdaşlıq haqqında Anlaşma Memorandumu»na müvafiq olaraq ötən il ərzində iqtisadiyyatın müxtəlif sahələrində fəaliyyət göstərən 51 sahibkar və gənc menecer Bakı Biznes Mərkəzinin dəstəyi ilə Almaniyanın müxtəlif şəhərlərində ixtisasartırma kursu keçib.

Eyni zamanda biznes tədrisinin təkmilləşdirilməsi, sahibkarların maarifləndirilməsində innovativ tədris metodlarından istifadənin təmin edilməsi məqsədilə Bakı Biznes Tədris Mərkəzi 2011-ci ildən distant təlimlərin keçirilməsinə başlayıb.

Qeyd edək ki, Bakı Biznes Tədris Mərkəzinin əsas fəaliyyəti Azərbaycanda sahibkarlığın inkişafının innovasiya-tədris-konsaltinq sisteminin formalaşdırılması vasitəsilə sahibkarların, sahibkarlıq fəaliyyətinə yeni başlamaq istəyənlərin maarifləndirilməsinə, onların informasiya, innovasiya və konsaltinq xidmətlərinə olan tələbatının daha dolğun ödənilməsinə, regionlarda işgüzar fəallığın artırılmasına, gənclərin və qadınların sahibkarlıq fəaliyyətinə cəlb edilməsinə, sahibkarlıq subyektlərində kadrların peşə hazırlığı səviyyəsinin yüksəldilməsinə xidmət edir.