Sahibkarlıq

Ana səhifə

Sahibkarlıq

Azərbaycanda istehlakçıları aldatmaya görə cəzalar sərtləşdirilib

14 fevral 2012 13:48 (UTC +04:00)

“APA-Economics”-in xəbərinə görə, dəyişikliklər layihəsi barədə Milli Məclisin Hüquq siyasəti və dövlət quruculuğu komitəsinin sədri Əli Hüseynli məlumat verib.

Ə. Hüseynli bildirib ki, təklif olunan dəyişikliyə görə, istehlakçıları aldatma, mal satan və ya əhaliyə xidmət göstərən təşkilatlarda, həmçinin ticarət (xidmət) sahəsində fərdi sahibkar qismində qeydə alınmış fiziki şəxslər tərəfindən malın (xidmətin) ölçüsünə, çəkisinə, hesabına, habelə istehlak xüsusiyyəti və ya keyfiyyətinə dair istehlakçıları xeyli miqdarda aldatma 3 min manatdan 5 min manatadək miqdarda cərimə və ya 180 saatdan 240 saatadək ictimai işlər ilə cəzalandırma nəzərdə tutulub (Əvvəl bu qanun pozuntusuna görə, 100 manatdan 300 manatadək miqdarda cərimə və ya 80 saat ictimai iş cəzası tətbiq olunurdu).

Eyni əməllər təkrar törədildikdə, qabaqcadan əlbir olan bir qrup şəxs tərəfindən törədildikdə, külli miqdarda ziyan vurmaqla törədildikdə 5 min manatdan 7 min manatadək cərimə və ya 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə 6 ayadək azadlıqdan məhrum etmə ilə cəzalandırılacaq (əvvəl bu qanun pozuntusuna görə 300 manatdan 600 manatadək cərimə tətbiq olunurdu).

Bilə-bilə pis keyfiyyətli məhsulların istehsalı, satışa buraxılması və belə məhsulların satışı, onların keyfiyyətsiz olmasının gizlədilməsi zərərçəkmiş şəxsin sağlamlığına az ağır və ya ağır zərər vurmasına səbəb olduqda 7 min manatdan 9 min manatadək miqdarında cərimə və ya üç ilədək müddətə azadlıqdan məhrum etməklə cəzalandırmaq nəzərdə tutulub. Əvvəl bu qanun pozuntusuna görə 500 manatdan 1000 manatadək cərimə tətbiq olunurdu.

Dəyişikliklər layihəsi səsə qoyularaq qəbul edilib.