Sahibkarlıq

Ana səhifə

Sahibkarlıq

“CASPIAN BRAND AWARD” beynəlxalq mükafatı təsis edilib

22 may 2012 10:44 (UTC +04:00)

Bakı - APA-Economics. Bakıda Xəzər-Avropa İnteqrasiya İşgüzar Klubunun (CEIBC) İdarə Heyəti ilə “Caspian Energy International Media Group”un Direktorlar Şurasının birgə toplantısı keçirilib.

CEIBC-dən “APA-Economics”ə verilən məlumata görə, iclasda 2013-cü ildə keçiriləcək “BRAND AWARD AZERBAIJAN” milli mükafatının V yubiley mərasimi çərçivəsində I “CASPIAN BRAND AWARD” beynəlxalq mükafatının təqdim olunması haqqında qərar qəbul edilib.

Bundan başqa, “BRAND AWARD AZERBAIJAN” milli mükafatının iştirak qaydalarında dəyişikliklər edilib və “CASPIAN BRAND AWARD” beynəlxalq mükafatında iştirak qaydaları təsdiq edilib. Yeni qaydalara əsasən “BRAND AWARD AZERBAIJAN” mükafatında yalnız Azərbaycan ərazisində istehsal edilmiş mal və xidmət brendləri iştirak edə bilərlər.

Əvvəlki illərdə “BRAND AWARD AZERBAIJAN” milli mükafatında qalib gəlmiş Azərbaycan brendləri, I “CASPIAN BRAND AWARD” beynəlxalq mükafatında Xəzər-Qara dəniz regionu ölkələrində istehsal edilmiş beynəlxalq mal və xidmət brendləri ilə bir səviyyədə iştirak etmək imkanı alır.

V “BRAND AWARD AZERBAIJAN-2012” milli mükafatının və I “CASPIAN BRAND AWARD-2012” beynəlxalq mükafatının təntənəli təqdimat mərasimləri 2013-cü ilin yazında keçiriləcək.