Sahibkarlıq

Ana səhifə

Sahibkarlıq

Standartlara cavab verməyən bəzi ərzaq məhsullarının istehsalı və satışı qadağan edib

05 iyul 2012 14:59 (UTC +04:00)

Bakı. Elnur Hüseynquluyev - APA-Economics. Azərbaycanın Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidməti tərəfindən Bakı və rayonlarda keçirilən yoxlamalar zamanı bəzi ərzaq məhsullarının istehsalı və satışını qadağan edib.

Komitənin mətbuat xidmətindən «APA-Economis»ə verilən məlumata görə, Bakı şəhərində fiziki şəxs Yaşar Demirciyə məxsus sexdə karamel, fiziki şəxs Tahir Nəbiyevə məxsus sexdə alkoqolsuz içki, qazlı su və meyvə nektarları, «Amal» firmasında süd məhsulları, Sumqayıt şəhərində fiziki şəxs Cavanşir Bağırova məxsus sexdə, «Gündüz» MMC-də və «Jalə-94» firmasında çörək, Abşeron rayonunda «DMC Kompani» MMC-də alkoqolsuz içki, meyvə şirələri və qablaşdırılmış içməli sular, Xırdalan şəhərində fiziki şəxs Nazim Qarayevə məxsus sexdə süd məhsulları, Kürdəmir şəhərində fiziki şəxs Sübhan İslamzadəyə məxsus sexdə çörək, Cəlilabad şəhərində fiziki şəxs Məmmədəli Abbasova məxsus sexdə çörək, Masallı şəhərində fiziki şəxs Tofiq Məmmədova məxsus sexdə çörək, Şəki şəhərində fiziki şəxs Şahid Abdullayevə məxsus sexdə alkoqolsuz içkilərin istehsalı və satışı qadağan edilib.

Komitədən bildirilib ki, bu cür araşdırmalar davam etdiriləcək.