Sahibkarlıq

Ana səhifə

Sahibkarlıq

Bakıda Azərbaycan-Sloveniya biznes-forumu keçirilib - FOTOSESSİYA

Bakıda Azərbaycan-Sloveniya biznes-forumu keçirilib - <font color=red>FOTOSESSİYA</font>

19 sentyabr 2012 10:11 (UTC +04:00)

«APA-ECONOMICS»in məlumatına görə, tədbirdə çıxış edən iqtisadi inkişaf naziri Şahin Mustafayev bəyan edib ki, Azərbaycan Avropa Birliyi ölkələri ilə əməkdaşlığa böyük əhəmiyyət verir. Ümumiyyətlə AB üzvləri Azərbaycanın ən iri ticarət tərəfdaşlarındandır: «Belə ki, Azərbaycan ixracının 50%-i məhz bu ölkələrin payına düşür».

İki ölkə arasında əlaqələrin inkişafından danışan nazir qeyd edib ki, Azərbaycan və Sloveniya arasında siyasi əlaqələr uğurla inkişaf edir. İqtisadi əlaqələrin də inkişaf etdiyini bildirən Ş.Mustafayev iki ölkə arasında ticarət dövriyyəsinin aşağı səviyyədə olduğunu diqqətə çatdırıb, halbuki potensial olduqca böyükdür. Nazir onu da qeyd edib ki, iki ölkə arasında investisiyaların qarşılıqlı qorunması və təşviqi üzrə sənəd hazırlanır və hər iki tərəfin bu sənədin tezliklə imzalaması istiqamətində müvafiq işlər görülür. Ş.Mustafayev Azərbaycan və Sloveniyanın tikinti, turizm, alternativ enerji, İKT, layihələndirmə, infrastruktur və s. sahələr üzrə əməkdaşlıq edə biləcəyini vurğulayıb.

Öz növbəsində iki ölkə arasında mövcud əlaqələrdən danışan R.Zerjav bəyan edib ki, son 3 ay ərzində ticarət dövriyyəsi 16% artıb. Ümumiyyətlə ticarət dövriyyəsi 8 mln. avro təşkil edir və bu çox aşağı göstəricidir. O, həmçinin iki ölkənin sahibkarları arasında əlaqələrin yaradılması üçün dövlət dəstəyinin vacibliyini qeyd edib və analoji biznes-forumun Sloveniyada keçirilməsini təklif edib.

Sloveniyalı nazir alternativ enerji, əczaçılıq, yol tikintisi, dəmir yolu tikintisi, İKT, turizm sahələrində əməkdaşlıqda maraqlı olduğunu diqqətə çatdırıb və Azərbaycan sahibkarlarını Maribor aeroportunun aktivləşdirilməsi istiqamətində həyata keçirilən layihədə iştirak etməyə dəvət edib.

Qeyd edək ki, bu gün həmçinin Ş.Mustafayev və R.Zerjav arasında ikitərəfli görüş keçirilib. Görüşdə iki ölkə arasında iqtisadi əlaqələr və onların perspektivləri müzakirə olunub. Bununla yanaşı, forum çərçivəsində hər iki ölkələnin iqtisadiyyatı ilə bağlı təqdimatlar keçirilib.