Rusiyanın Leninqrad vilayəti ilə Azərbaycan arasında əməkdaşlığa dair saziş imzalanıb.
APA-nın Rusiya bürosunun məlumatına görə, sazişin imzalanması Sankt-Peterburq Beynəlxalq İqtisadi Forumu çərçivəsində baş tutub.
Sazişi Azərbaycan tərəfdən Forumda nümayəndə heyətinə rəhbərlik edən iqtisadiyyat naziri Şahin Mustafayev və Leninqrad vilayətinin qubernatoru Aleksandr Drozdenko imzalayıblar.
İmzalanma mərasimindən sonra çıxış edən Şahin Mustafayev Azərbaycanla Rusiya arasında iqtisadiyyat sahəsində əlaqələrin inkişafından danışıb. Rusiyanın regionları ilə Azərbaycan arasında əlaqələrin möhkəmləndiyi vurğulanıb.
A.Drozdenko isə çıxışında imzalanan sazişin həm Azərbaycan, həm də Leninqrad vilayəti üçün uğurlu olacağını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
