Bu ilin oktyabr ayından etibarən Azərbaycana alıcı missiyaları təşkil olunacaq.
“APA-Economics”in məlumatına görə, bunu jurnalistlərə açıqlamasında Azərbaycanda İxracın və İnvestisiyaların Təşviqi Fondunun (Azpromo) rəhbəri Yusif Abdullayev deyib.
Onun sözlərinə görə, 22-25 oktyabr tarixləri arasında Rusiyadan alıcı missiyasının təşkili nəzərdə tutulur.
"Eyni zamanda burada daha çox qida məhsulları, spirtli içkilər, şərab alışı ilə məşğul olan distributorların, Rusiya idxalçılarının Azərbaycana gəlişi nəzərdə tutulur. Bu çərçivədə bir neçə görüşlər keçiriləcək", - deyə Y. Abdullayev qeyd edib.
Azpromo-nun rəsmisi əlavə edib ki, qeyd olunan müddət ərzində bir neçə ölkədən – Gürcüstan, Rusiya, Özbəkistan, İrandan alıcıların gəlişi nəzərdə tutulur. Bu da tikinti və sənaye məhsullarına həsr olunan alıcı missiyası olacaq.
"Noyabr ayının sonunda 3-cü alıcı missiyası çərçivəsində Almaniya və Polşadan alıcıların gəlişi nəzərdə tutulur. Burada daha çox kənd təsərrüfatı məhsullarının alıcılarının gəlişi nəzərdə tutulur", - deyə Y. Abdullayev əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
