Bakı. Əli Əhmədov – APA-Economics. Azərbaycanın ən böyük super-marketlər şəbəkələrindən biri olan «Bazarstore» ölkədəki mağazalarının sayını 3 dəfə artırmaq niyyətindədir. Bunu «APA-Economics»ə açıqlamasında «Bazarstore»nin daxil olduğu «Azersun Holding»in prezidenti Abdolbari Goozal bildirib.
Onun sözlərinə görə, şəbəkəyə daxil olan mağazaların sayı 19-a çatdırılacaq: «Mağazalar təkcə Bakıda deyil, ölkənin müxtəlif bölgələrində də olacaq. Bunlardan 8-10-u Bakıda, qalanı isə rayonlarda yerləşəcək».
Qeyd edək ki, hazırda «Bazarstore» marketləri Bakı şəhərinin 6 nöqtəsində - Xətai rayonu, «Gənclik» metro stansiyası yaxınlığında, «Şüvəlan Park», «Aygun City», «28 Mall», «Park Bulvar» ticarət mərkəzlərində fəaliyyət göstərir. Yaxın vaxtlarda Sumqayıt şəhərində və Badamdar qəsəbəsində yeni super-marketlərin açılması nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
