Bakı. Nicat Mustafayev – APA-Economics. Asiya İnkişaf Bankı (AİB) Azərbaycanda özəl sektorda layihələrin maliyyələşdirilməsində maraqlıdır. «APA-Economics»in məlumatına görə, bunu AİB-in Azərbaycandakı daimi nümayəndəliyinin rəhbəri Olli Noroyono bildirib.
Onun sözlərinə görə, 2012-ci il ərzində AİB Azərbaycanın özəl sektorunda heç bir layihə maliyyələşdirməyib və əməliyyat aparmayıb: «Buna baxmayaraq, biz Azərbaycanın özəl sektorunda iştirakda maraqlıyıq və hazırda bu istiqamətdə araşdırmalar aparılır. Bura təkcə bank deyil, özəl sektorun digər sahələri də daxildir».
O.Noroyono həmçinin bildirib ki, AİB-in dövlət və özəl sektorlarda Azərbaycanla əməkdaşlığı bir qədər fərqlənir və özəl sektorla əməkdaşlıq üçün hazırlıq bir qədər vaxt aparır: «Azərbaycanın özəl sektoru bizim üçün vacibdir və biz bu sahənin inkişafında maraqlıyıq».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
