Bakı. Nicat Mustafayev – APA-Economics. Bu ilin yanvar-aprel aylarında Azərbaycanın pərakəndə ticarət bazarında əhaliyə 5,9 mlrd. manatlıq və ya ötən ilin eyni dövrü ilə müqayisədə 9,4% çox əmtəə satılıb.
Dövlət Statistika Komitəsindən «APA-Economics»ə verilən məlumata görə, əmtəə bazarında satılmış məhsulların 3,2 mlrd. manatı ərzaq, 2,7 mlrd. manatı qeyri-ərzaq mallarının hesabına formalaşıb, qeyri-ərzaq məhsullarının xüsusi çəkisi artıb.
«Cari ilin yanvar-aprel aylarında elektron pərakəndə ticarət dövriyyəsinin həcmi 2012-ci ilin müvafiq dövrünə nisbətən 1,9 dəfə artaraq 700,8 min manat təşkil edib. Satışın 87,8%-i hüquqi şəxslərin, 12,2%-i fərdi sahibkarların hesabına reallaşıb. Əhalinin online vasitəsi ilə istehlak mallarının alınmasına ödədikləri vəsaitin 93,9%-i qeyri-ərzaq mallarının alınmasına sərf edilib», - deyə Komitədən bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
