Bakı. Əli Əhmədov - APA-Economics. Azərbaycanda sahibkarlıqla məşğul olan fiziki şəxslərin və torpaq mülkiyyətçilərinin Dövlət Sosial Müdafiə Fonduna hesabat verməsi qaydası ləğv ediləcək. Bu barədə «APA-Economics»ə Dövlət Sosial Müdafiə Fondunun (DSMF) sədri Səlim Müslümov bildirib.
Onun sözlərinə görə, bu yenilik «Sosial sığorta haqqında» qanuna gözlənilən dəyişikliklərdə nəzərdə tutulur: «Fiziki şəxs kimi sahibkarlıq fəaliyyəti göstərənlərin, eləcə də torpaq payı mülkiyyətçilərinin DSMF-ə hesabat təqdimetməsi ortadan qaldırılacaq».
Bununla yanaşı, fond rəhbəri dəqiqləşdirib ki, söhbət yalnız o fiziki şəxslərdən gedir ki, işçisi olmasın. Çünki belə şəxslərin nə qədər sosial sığorta haqqı ödəməsi qanunvericilikdə dəqiqləşdirilib: «Belə olan halda hesabatın verilməsinə nə ehtiyac var?» Amma sahibkarlıq fəaliyyəti göstərən və əmək müqaviləsinə əsasən işçiləri olan fiziki şəxslər indiki qaydada hesabat verməkdə davam edəcəklər: «Çünki onlar həmin işçilər üçün bizə sosial sığorta haqqı ödəməlidirlər, bunun üçün də hesabat olmalıdır».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
