Bakı. Aqşin Rafiqoğlu – APA-Economics. İran qonşu ölkələrlə iqtisadi əlaqələrini daha da gücləndirmək məqsədi ilə yaxın vaxtlarda Azərbaycan və Gürcüstana nümayəndələrini göndərəcək.
«APA-Economics»in «Mehr» agentliyinə istinadən verdiyi məlumata görə, bunu Tehran Ticarət Palatasının sədri Yəhya əl-Eşad bildirib.
Daha əvvəl belə bir nümayəndə heyətini İran Ermənistana göndərib. İndi isə analoji nümayəndə heyətləri Azərbaycan, Gürcüstan və Əfqanıstana göndəriləcək.
Y.əl-Eşadın sözlərinə görə, Tehran Ticarət Palatası bundan başqa Fars körfəzi ölkələri ilə də iqtisadi və siyasi əlaqələrini genişləndirmək niyyətindədir. O əlavə edib ki, bu məqsədlə İran Birləşmiş Ərəb Əmirlikləri, İraq, Bəhreyn, Oman və Qətər kimi ölkələrə müxtəlif nümayəndə heyətləri göndərib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
