Bakı. Nicat Mustafayev – APA-Economics. Hazırda Azərbaycan və Rumıniya arasında iki ölkə arasında iqtisadi əlaqələr siyasi münasibətlərə uyğun deyil. Çünki Azərbaycanla Rumıniya arasındakı siyasi əlaqələr olduqca yüksəkdir. «APA-Economics»in məlumatına görə, bunu Bakıda səfərdə olan Rumıniyanın milli maraq kəsb edən infrastruktur layihələri və xarici investisiyalar üzrə xüsusi naziri Dan Şovan jurnalistlərə açıqlamasında bildirib.
Nazir qeyd edib ki, iki ölkə arasında ticarət dövriyyəsinin artmasına baxmayaraq, iqtisadi əlaqələr istənilən səviyyədə deyil. «Halbuki bu əlaqələri genişləndirmək üçün böyük potensial var. Biz Azərbaycan şirkətlərini Rumıniya iqtisadiyyatına investisiya yatırmağa dəvət edirik. Eyni zamanda, Azərbaycan iqtisadiyyatına, əsasən infrastruktur, kənd təsərrüfatı, energetika, nəqliyyat və yolların çəkilişi kimi sahələrə maraq göstəririk», - deyə D.Şovan bildirib.
Nazir onu da qeyd edib ki, Rumıniya «Nabbuco» və AGRI kimi enerji daşıyıcılarının daşınması layihələrin icrasında maraqlıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
