Bakı. Viktoriya Dementyeva - APA-Economics. İyunun 5-6-da Volqoqrad (Rusiya) şəhərində illik Azərbaycan-Rusiya biznes-forumu keçiriləcək.
“APA-Economics”in Rusiya mətbuatına istinadən xəbərinə görə, forumda 500 nəfər, o cümlədən iki ölkənin Prezident administrasiyalarının, qanunverici və icraedici orqanlarının nümayəndələri, biznesmenlər iştirak edəcəklər.
Tədbirdə Azərbaycan tərəfi öz investisiya layihələrini təqdim edəcək. Tərəflər energetika, biznes və sosial sahələrdə əməkdaşlıq planlarını müzakirə edəcəklər.
Forumda Rusiya tərəfini “Qazprom”, “Rosneft”, “Rusiya Dəmir Yolları”, “LUKoil”, “VTB Bank” və digər şirkətlər təmsil edəcək.
Qeyd edək ki, illik Azərbaycan-Rusiya biznes-forumu bundan əvvəl Bakı və Həştərxanda keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
