Sənaye və energetika

Ana səhifə

«LUKoil» neft şirkəti «Yalama» yatağında qazma işlərinin aparılmasına Azərbaycanda dəniz qazma qurğusu cəlb edib

15 oktyabr 2008 08:51 (UTC +04:00)

Bakı. Rəşad Süleymanov – APA-Economics. Azərbaycan Respublikası Dövlət Neft Şirkətinin (ARDNŞ) «Heydər Əliyev» qazma qurğusu Rusiyanın «LUKoil» neft şirkətinin sifarişi ilə ARDNŞ/CMS Alyansı tərəfindən icarəyə götürülmüş Xəzər Dəniz Neft Donanmasının «Andoqa», «Nerça» və «Vadim Seyidov» gəmiləri vasitəsilə «Yalama» yatağına nəql ediləcək. Bu barədə «APA-Economics»ə ARDNŞ-dan məlumat verilib.
Qazma işləri zamanı qurğuya lazımi təchizat və təminat işləri həyata keçiriləcək.
Qeyd edək ki, «Andoqa» təchizat-yedək gəmisi dənizdə qurğunun koordinatlarını müəyyənləşdirərək buyları lazım olan nöqtələrdə yerləşdirib. Bundan başqa, Xəzər Dəniz Neft Donanması ilə «Caspian Marine Services Ltd.» şirkəti arasında imzalanmış müqaviləyə əsasən, «Aura» təchizat-yedək gəmisi Qazaxıstanın Bautino limanına yola düşüb. Səfərin məqsədi Qazaxıstana məxsus «Service» təchizat-yedək gəmisinin təmir üçün Bakı limanına nəql edilməsidir.