Sənaye və energetika

Ana səhifə

Qazaxıstan «Transxəzər» layihəsi ilə bağlı Azərbaycana yeni təkliflər göndərib - FOTOSESSIYA

Qazaxıstan «Transxəzər» layihəsi ilə bağlı Azərbaycana yeni təkliflər göndərib - <font color=red>FOTOSESSIYA</font>

23 iyun 2009 14:16 (UTC +04:00)

Astana. Ləman Ağayeva - APA. Qazaxıstan «Transxəzər» layihəsinin texniki-iqtisadi əsaslandırılmasının (TİƏ) hazırlanması ilə bağlı yeni təkliflərlə çıxış edib. Bu barədə APA-nın Mərkəzi Asiya bürosuna açıqlamasında ARDNŞ-in Qazaxıstan nümayəndəliyinin rəhbəri Vurğun Cəfərov məlumat verib.

V.Cəfərovun sözlərinə görə, Qazaxıstanın «KazMunayQaz» şirkətinin prezidenti Kayırgəldi Kabıldin ARDNŞ prezidenti Rövnəq Abdullayevə iyunun 18-də məktub göndərərək yeni təkliflərini açıqlayıb: «Təkliflərdə bildirilir ki, TİƏ-nin layihəsini hüquqi şəxslərin iştirakı olmadan da hazırlamaq mümkündür. TİƏ-nin konsorsium iştirakçılarının nəzarətinə götürməsi, bu layihənin həyata keçirilməsini ləngidir. Şirkət rəhbəri bildirib ki, tərəflərin imzaladığı birgə bəyannamədə «Transxəzər»in TİƏ sənədini özləri tərəfindən hazırlamaq hüququ var. Hazırda bu təklif nəzərdən keçirilir və yəqin ki, Azərbaycan tərəfdən də müsbət cavab veriləcək. Bununla da ilin sonunadək «Transxəzər» layihəsinin TİƏ sənədini tenderə çıxara biləcəyik».

V.Cəfərov bildirib ki, TİƏ layihəsi hazır olandan dərhal sonra Azərbaycanda Qaradağ rayonu ərazisində, Qazaxıstanda isə Eskene-Kurık ərazisində terminalın tikintisinə başlanılacaq. Həmçinin, tankerlərin alınmasına dair sifarişlər veriləcək. Bir tankerin yükdaşıma tutumu minimum 30 min, maksimum 60 min ton olacaq.

«Proqnozlara görə, 2012-2013-cü illərdə hasil olunacaq Kaşaqan və Tengiz nefti bu tankerlər vasitəsi Azərbaycana, oradan isə boru kəmərləri ilə dünya bazarına çıxarılacaq. İlkin hesablamalara görə birinci il 20 mln. ton neft bu yolla daşınacaq. Daha sonra isə bu rəqəm ildə 80 mln. tona çatdırılacaq», - deyə V.Cəfərov əlavə edib.

ARDNŞ nümayəndəsinin fikrincə, Qazaxıstan üçün neftin «Transxəzər» kəməri vasitəsi ilə Azərbaycandan keçməklə dünya bazarına çıxarılması daha real və sərfəlidir. Əgər «Transxəzər» layihəsi tez həyata keçəririlərsə, Qazaxıstan tərəfi alternativ axtarmayacaq.

Qeyd edək ki, ARDNŞ-in Qazaxıstan nümayəndəliyi 2008-ci ilin sentyabr ayından fəaliyyət göstərir.