Azərbaycan neftini Belarusa daşıyan növbəti tanker Odessa limanında artıq boşaldılıb.
"APA-Economics"in xarici mətbuata istinadən verdiyi məlumata görə, bunu jurnalistlərə açıqlamasında "Belneftexim" konserninin mətbuat katibi Aleksandr Tişenko deyib.
Onun sözlərinə görə, neft Mozır neft emalı zavoduna Odessa-Brodı boru kəməri ilə çatdırılacaq. Ümumilikdə, təxminən 95 min ton həcmində nefti daşıyan tanker sentyabr ayında Türkiyənin Ceyhan limanından yola salınıb.
Qeyd edək ki, oktyabr ayında Belarusun neft emalı zavodları 1,7 mln. ton neft, o cümlədən 1,65 mln. ton Rusiya nefti emal etməyi planlaşdırır.
Bundan əvvəl, "Belneftexim" konserninin sədri Andrey Rıbakov SOCAR-ın bu il Belarusa 1 mln. tonadək neft tədarük edə biləcəyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
