Bu ilin yanvar-avqust aylarında Gürcüstanın Azərbaycandan idxal etdiyi neft və neft yağlarının dəyəri illik müqayisədə 34% və ya 23 071,4 min dollar azalaraq 44 598,9 min dollar təşkil edib.
Bu barədə APA-nın yerli bürosuna Gürcüstan Milli Statistika İdarəsindən bildirilib.
Qeyd olunub ki, idxal edilən məhsulun həcmi illik müqayisədə 24 667,5 ton və ya 20,1% artaraq 147 431 ton təşkil edib.
Xatırladaq ki, 2019-cu ilin yanvar-avqust ayları ərzində Gürcüstan Azərbaycandan 67 670,3 min dollar dəyərində 122 763.5 ton neft və neft yağları idxal edib.