Bu ilin sentyabr ayında Belarusa neft tədarükü 1,6 mln. ton təşkil edəcək.
"APA-Economics"in "BelTA"ya istinadən verdiyi məlumata görə, bu barədə "Belneftexim" konsernindən bildirilib.
"Ümumilikdə, sentyabr ayında Belarusa 1,606 mln. ton, o cümlədən Rusiyadan boru kəməri vasitəsilə 1,45 mln. ton neft çatdırılacaq. Qalan hissəsi tanker və dəmir yolu ilə bəql olunacaq", - deyə konserndən bildirilib.
Qeyd edək ki, Belarus Azərbaycandan növbəti neft partiyasının (94 min ton – red.) göndərilməsini gözləyir. Tanker 2-4 sentyabr tarixlərində "Yujnı" limanına çatmalıdır. Neft Mozırski Neft Emalı Zavoduna göndəriləcək.
Xatırladaq ki, bu ilin mart-aprel aylarında SOCAR Belarusa 335 min ton neft göndərib (4 dəfəyə). İyunda Azərbaycan Belarusa 85 min ton, iyulda isə 650 min ton neft tədarük edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
