Sənaye və energetika

Ana səhifə

ABŞ səfiri Azərbaycanı etibarlı enerji təchizatçısı adlandırıb - YENİLƏNİB

09 fevral 2022 18:42 (UTC +04:00)

Azərbaycanın energetika naziri Pərviz Şahbazov ABŞ-ın Azərbaycandakı fövqəladə və səlahiyyətli səfiri Örl Litzenbergeri qəbul edib.

Energetika Nazirliyindən “APA-Economics”ə verilən məlumata görə, görüşdə enerji sahəsində ikitərəfli əlaqələr, Cənub Qaz Dəhlizi Məşvərət Şurası çərçivəsində nazirlərin VIII toplantısına və dəhlizin genişlənmə perspektivlərinə dair müzakirələr aparılıb.

P. Şahbazov Məşvərət Şurasının VIII iclasının məhsuldar keçdiyini və bu toplantının Cənub Qaz Dəhlizinin gələcək inkişafı üçün faydalı olduğunu bildirib.

Görüşdə ABŞ səfiri təbii qazın enerji keçidində mühüm rol oynayacağını, buna görə də təbii qaz layihələrinə investisiyaların təşviqinin vacib olduğunu qeyd edib. O, Azərbaycanın etibarlı enerji təchizatçısı olduğunu vurğulayıb.

Söhbət zamanı bərpa olunan enerji layihələri ilə bağlı da fikir mübadiləsi aparılıb. Yaşıl enerjinin ixracı və gələcəkdə hidrogen istehsalı imkanları, eləcə də beynəlxalq şirkətlər ilə əməkdaşlıq məsələləri müzakirə edilib.

***

18:11

Azərbaycanın energetika naziri Pərviz Şahbazov ABŞ-ın Azərbaycandakı səfiri Örl Litzenbergerlə görüşüb.

"APA-Economics" xəbər verir ki, bu barədə nazir "Twitter" hesabında yazıb.

Nazir qeyd edib ki, görüşdə Azərbaycanın etibarlı enerji təchizatçısı olduğu vurğulanıb.

"ABŞ səfiri Ö. Litzenbergerlə görüşdə Azərbaycanın etibarlı enerji təchizatçısı olduğu vurğulanıb", - nazir qeyd edib.