Rusiyadan Avropaya neft nəql edən “Drujba” neft kəmərindəki zədələnmə təsadüfi olub, təxribat xarakterli deyil.
“APA-Economics” xarici mətbuata istinadən xəbər verir ki, bu barədə Almaniya İqtisadiyyat Nazirliyi Polşa hakimiyyətinə əsasən məlumat yayıb.
Məlumata görə, Berlin vəziyyəti izləyir və bütün maraqlı tərəflərlə sıx əlaqə saxlayır.
Bildirilir ki, Almaniyaya neft tədarükünün etibarlılığına hələ də zəmanət verilir. Almaniyanın neft emalı zavodları Polşa və “Drujba-1” vasitəsilə xammal almağa davam edir.
Çərşənbə günü səhər saatlarında "Drujba" neft kəmərinin Polşa ərazisindəki operatoru kəmərin xətlərindən birində sızma barədə məlumat yayıb.
Boru kəməri Almaniyaya neft tədarükü üçün əsas marşrutdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
