Bu gün keçirilən hərraclar zamanı Avropada qazın 1 000 kubmetrinin qiyməti mart ayının 10-dan ilk dəfə olaraq 550 ABŞ dollarından aşağı enib.
“APA-Economics” xəbər verir ki, 23 oktyabr tarixində noyabr fyuçerslərinin qiyməti TTF (Niderlandın "Title Transfer Facility"i - Avropanın ən likvid virtual satış mərkəzi) indeksi üzrə 532,5 dollar təşkil edib, bu da öncəki hesablama qiyməti (560,2 dollar) ilə müqayisədə 4,9% azdır.
Xatırladaq ki, ötən ilin 7 mart tarixində gün ərzində Avropada qazın qiyməti bir neçə dəfə rekord vuraraq maksimum 3 900 dollaradək yüksəlib.
Qeyd edək ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
