Sənaye və energetika

Ana səhifə

Azərbaycan Avropa ölkələrinə neft ixracını artırıb - RENKİNQ

22 iyun 2021 17:00 (UTC +04:00)

Bu ilin yanvar-may aylarında Azərbaycandan Avropa ölkələrinə ümumi dəyəri 3,585 mlrd. ABŞ dolları təşkil edən 8 797 819,46 ton neft idxal edib.

"APA-Economics"in Dövlət Gömrük Komitəsinin və Dövlət Statistika Komitəsinin məlumatları əsasında apardığı hesablamalarına görə, Avropaya göndərilən neftin həcmi ötən ilin eyni dövrü ilə müqayisədə 3,8%, dəyəri isə 7,6% artıb.

Avropa ölkələri arasında Azərbaycan neftinin ən iri idxalçısı İtaliya olub. Cari ilin ilk beş ayında İtaliya Azərbaycandan 2,450 mlrd. dollar dəyərində 5 982 918,16 ton neft idxal edib ki, bu da illik müqayisədə həcm ifadəsində 3,3%, dəyər ifadəsində isə 1,6% çoxdur.

Qeyd edək ki, Azərbaycanın Avropa neft ixracı bazarında ikinci yerdə qərarlaşan İspaniya isə hesabat dövründə ölkədən 338,982 mln. dollarlıq 865 947,16 neft idxal edib, bu da illik müqayisədə həcm ifadəsində 4 dəfə, dəyər ifadəsində isə 3,5 dəfə çoxdur.

Azərbaycandan 2021-ci ilin yanvar-may aylarında neft idxalı həyata keçirən Avropa ölkələrinin renkinqi:

#	Ölkələr	Həcm, ton	İllik dinamika	Dəyər, mln. $	İllik dinamika
1	İtaliya	5 982 918,16	3,3%	2 449,86	1,6%
2	İspaniya	865 947,16	4 dəfə	338,98	3,5 dəfə
3	Ukrayna	480 800,72	-29,4%	173,24	-6,4%
4	Portuqaliya	451 184,17	31,2%	193,47	48%
5	Xorvatiya	444 811,96	-34,6%	177,19	-15,5%
6	Böyük Britaniya	270 508,23	-	124,68	-
7	Almaniya	91 823,81	-3,1 dəfə	37,38	-2,8 dəfə
8	İrlandiya	87 840,9	-	41,73	-
9	Rumıniya	84 725,08	-7,6%	30,58	-17,4%
10	Çexiya	37 259,27	-10,5 dəfə	17,56	-9 dəfə