Azərbaycan ilə Səudiyyə Ərəbistanı arasında aviasiya sahəsində əməkdaşlığın genişləndirilməsi müzakirə edilib.
“APA-Economics” xəbər verir ki, bununla bağlı "Azərbaycan Hava Yolları" QSC-nin (AZAL) prezidenti Samir Rzayev “Facebook” səhifəsində paylaşım edib.
“Azərbaycan ilə Səudiyyə Ərəbistanı arasında aviasiya sahəsində əməkdaşlığın genişləndirilməsi məqsədilə Krallığın ölkəmizdəki səfiri İssam bin Saleh əl-Cuteyli ilə görüş keçirdik. Görüşdə qarşılıqlı tərəfdaşlığın gücləndirilməsi və hava nəqliyyatı əlaqələrinin inkişaf perspektivlərini müzakirə etdik”, - paylaşımda qeyd olunur.
Samir Rzayev onu da qeyd edib ki, ötən il iki ölkə arasında sərnişin axının yüksək olması turizm əlaqələrinin gücləndiyini və dostluq münasibətlərinin möhkəmləndiyini təsdiqləyir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
