Azərbaycan və Britaniya hidrogenin nəqli sahəsində əməkdaşlıq edəcəklər

Azərbaycan və Britaniya hidrogenin nəqli sahəsində əməkdaşlıq edəcəklər
# 07 dekabr 2023 15:30 (UTC +04:00)

Azərbaycan və Böyük Britaniya qazın ötürülməsində hidrogenin təbii qaz ilə mümkün qarışdırılması (müxtəlif qarışdırma variantları ilə) sahəsində bilik mübadiləsinin aparılması məsələsini razılaşdırıblar.

Bu barədə “APA-Economics” Bakıda keçirilən Azərbaycan Respublikası Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın 6-cı iclasının protokoluna istinadən xəbər verir.

Sənədə əsasən, tərəflər hidrogenin mövcud qaz kəmərləri ilə nəqlində bilik mübadiləsinin aparılması məsələsini də razılaşdırıblar.

Qeyd edək ki, dekabrın 7-də Bakıda Azərbaycan Respublikası Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın 6-cı iclası keçirilib.

İclasın sonunda Azərbaycan - Böyük Britaniya Hökumətlərarası Komissiyanın 6-cı iclasının yekununa dair Protokol imzalanıb. Komissiyanın 7-ci iclasının 2024-cü ildə London şəhərində keçirilməsi razılaşdırılıb.

#
#

ƏMƏLİYYAT İCRA OLUNUR