Bu ilin yanvar ayında Xəzərin Azərbaycan sektorunda yerləşən “Şahdəniz” qaz-kondensat yatağından 2,2 mlrd. kubmetr qaz hasil edilib.
Energetika Nazirliyindən “APA-Economics”ə verilən məlumata görə, hesabat dövründə “Azəri-Çıraq-Günəşli” (AÇG) neft-qaz yataqları blokunda 1,2 mlrd. kubmetr qaz hasil edilib.
Məlumata görə, yanvar ayında SOCAR 0,7 mlrd. kubmetr qaz istehsal edib.
Ümumiyyətlə 2022-ci ilin yanvar ayında ölkədə 4,1 mlrd. kubmetr təbii qaz hasil edilib.
Hesabat dövründə xaricə qaz satışı təxminən 2 mlrd. kubmetr təşkil edib. Türkiyəyə təqribən 0,8 mlrd. kubmetr, Avropaya təqribən 0,8 mlrd. kubmetr, Gürcüstana isə 0,4 mlrd. kubmetr qaz ixrac edilib.
Qeyd edək ki, yanvarda Türkiyəyə Trans-Anadolu boru kəməri vasitəsi ilə 0,5 mlrd. kubmetrdən çox qaz nəql olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
