Sənaye və energetika

Ana səhifə

Azərbaycanda avtomobil benzininin istehsalı 2%-dək artıb - CƏDVƏL

14 dekabr 2022 16:40 (UTC +04:00)

Bu ilin yanvar-noyabr aylarında Azərbaycanda neft məhsullarının istehsalı sahəsində istehsalın ümumi dəyəri 3 693,5 mln. manat olmaqla, əvvəlki ilin yanvar-noyabr ayları ilə müqayisədə 5,3% azalıb.

Dövlət Statistika Komitəsindən “APA-Economics”ə verilən məlumata görə, hesabat dövründə yanacaq mazutunun istehsalı 30%, avtomobil benzininin istehsalı 1,8 faiz artıb.

Qeyd olunur ki, hesabat dövründə neft bitumu istehsalı 5,8%, dizel yanacağının istehsalı 17,1%, neft koksunun istehsalı 20,2%, sürtkü yağlarının istehsalı 26,6%, neft-kimya sənayesində istifadə üçün benzin istehsalı isə 27,9% azalıb.

Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.

Qeyd edək ki, bu ilin aprel-may aylarında NEZ-in fəaliyyəti planlaşdırılmış profilaktik işlərin aparılması üçün müvəqqəti olaraq dayandırılıb, bu da məhsulların istehsal həcminə təsirini göstərib.

Azərbaycanda neft məhsullarının dinamikası:

Məhsul növləri	Yanvar-noyabr 2022-ci il	İllik müqayisə, %
Avtomobil benzini, min ton	1 159,5	101,8
Neft-kimya sənayesində istifadə üçün benzin, min ton	267,3	72,1
Ağ neft, min ton	513,3	116,6
Dizel yanacağı, min ton	1 855,5	82,9
Yanacaq mazutu, min ton	77,1	130
Sürtkü yağları, min ton	38,6	73,4
Neft bitumu, min ton	327	94,2
Neft koksu, min ton	187,5	79,8