Sənaye və energetika

Ana səhifə

Azərbaycanda benzin istehsalı 10% artıb - CƏDVƏL

15 aprel 2024 14:49 (UTC +04:00)

Bu ilin yanvar-mart aylarında Azərbaycanda neft məhsullarının istehsalı sahəsində istehsalın ümumi dəyəri 1 275,2 mln. manat olmaqla, əvvəlki ilin müvafiq dövrü ilə müqayisədə 5,4% artıb.

Bu barədə “APA-Economics” Dövlət Statistika Komitəsinə istinadən xəbər verir.

Məlumata görə, hesabat dövründə neft məhsullarının istehsalında neft bitumu istehsalı 29,8%, ağ neft 16,9%, avtomobil benzini 9,9% artıb, sürtkü yağlarının istehsalı isə 5,8% azalıb.

Neft məhsullarının istehsalı sahəsində istehsal edilmiş əsas məhsullar:

Məhsul növləri	2024-cü ilin yanvar-mart aylarında istehsal edilmişdir	Əvvəlki ilin müvafiq dövrünə nisbətən, faizlə	01.04.2024-cü il vəziyyətinə hazır məhsul ehtiyatı
Avtomobil benzini, min ton	384,1	109,9	64,9
Ağ neft, min ton	159,6	116,9	51,5
Qazoyllar (dizel yanacağı), min ton	599,8	107,8	163,3
Mazut, min ton	-	-	1,3
Sürtkü yağları, min ton	14,5	94,2	4,3
Maye qazlar, min ton	59,6	84,2	2,2
Neft koksu; neft bitumu və neft məhsullarının digər qrupları, min ton	225,1	81,5	59,7
ondan:
neft bitumu, min ton	51,4	129,8	13,8
neft koksu, min ton	61,1	95,3	41,6