Sənaye və energetika

Ana səhifə

Azərbaycanda dizel yanacağının istehsalı 7%-dən çox azalıb - CƏDVƏL

14 fevral 2024 17:33 (UTC +04:00)

Cari ilin yanvar ayında Azərbaycanda neft məhsullarının istehsalı sahəsində istehsalın ümumi dəyəri 303,6 mln. manat olmaqla, əvvəlki ilin yanvar ayı ilə müqayisədə 9,6% azalıb.

Dövlət Statistika Komitəsindən “APA-Economics”ə verilən məlumata görə, hesabat dövründə neft məhsullarının istehsalında neft bitumu istehsalı 22,8%, ağ neft 4,8% artıb.

Məlumata görə, yanvar ayında ölkədə sürtkü yağlarının istehsalı 57,9%, neft koksunun istehsalı 13,3%, qazoylların (dizel yanacağının) istehsalı isə 7,4% azalıb.

Azərbaycanda neft məhsullarının istehsalı dinamikası:

Məhsul növləri	2024-cü ilin yanvar ayında istehsal edilmişdir	Əvvəlki ilin müvafiq ayına nisbətən, faizlə	01.02.2024-cü il vəziyyətinə hazır məhsul ehtiyatı
Avtomobil benzini, min ton	115,8	99,9	38,0
Ağ neft, min ton	43,7	104,8	27,6
Qazoyllar (dizel yanacağı), min ton	179,2	92,6	107,2
Mazut, min ton	-	-	1,7
Sürtkü yağları, min ton	2,4	42,1	3,3
Maye qazlar, min ton	16,4	73,5	3,4
Neft koksu; neft bitumu və neft məhsullarının digər qrupları, min ton	49,9	56,1	61,8
ondan:
neft bitumu, min ton	12,4	122,8	10,2
neft koksu, min ton	19,5	86,7	46,9