Sənaye və energetika

Ana səhifə

Azərbaycanda kimya məhsullarının istehsalı artıb - CƏDVƏL

18 mart 2025 12:05 (UTC +04:00)

Bu ilin yanvar-fevral aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 363,9 mln. manatlıq məhsul istehsal edilib.

Bu barədə “APA-Economics” Dövlət Statistika Komitəsinin aylıq hesabatına istinadən xəbər verir.

Məlumata görə, hesabat dövründə əvvəlki ilin müvafiq dövrü ilə müqayisədə əczaçılıq məhsullarının istehsalı 21,4%, kimya sənayesi məhsullarının istehsalı 11,4% artıb, rezin və plastik kütlə məmulatlarının istehsalı isə 3,6% azalıb.

Qeyd olunur ki, kimya sənayesi məhsullarından polietilen istehsalı 22,5%, etilen istehsalı 12,9%, propen (propilen) istehsalı 5,6% artıb, rezin və plastik kütlə məmulatlarından sərt plastmasdan borular, borucuklar, qolçaqlar və şlanqlar istehsalı 11,8%, polietilendən kisə və çantalar istehsalı isə 37,6% azalıb.

Kimya sənayesi sahəsində istehsal edilmiş əsas məhsullar:

Məhsul növləri	2025-ci ilin yanvar-fevral ayları	Əvvəlki ilin müvafiq dövrünə nisbətən,%	01.03.2025-ci il vəziyyətinə hazır məhsul ehtiyatı
Kimya sənayesi məhsulları
Təsirsiz qazlar, min kub metr	7239,3	102,8	65,5
ondan: azot, min kub metr	3705,4	96,0	62
Lak-boya məmulatları, ton	5024,6	160,5	570,4
Qeyri-üzvi kimyəvi maddələr, ton	2 680	44	6 850
ondan: yod, ton	29,3	93,9	11,0
Üzvi kimyəvi maddələr, min ton	133,4	83,7	15,4
ondan: etilen, min ton	30,7	112,9	0,9
propen (propilen), min ton	26,3	105,6	0,7
metanol (metil spirti), min ton	52,7	55,5	7,8
Etil spirti, min dkl	-	-	41,6
Gübrə və azot birləşmələri, min ton	87,1	78,4	27
ondan: karbamid, min ton	87,1	78,4	27
İlkin formada plastik kütlə, min ton	57,9	115,3	33,9
ondan: polietilen, min ton	29,9	122,5	19,4
Yapışqan və yapışdırıcı maddələr, min ton	28,1	162,4	10,1