Sənaye və energetika

Azərbaycanda kimya sənayesi məhsullarının istehsalı 8%-dən çox artıb - CƏDVƏL

18 noyabr 2024 17:16 (UTC +04:00)

Bu ilin yanvar-oktyabr aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 1 837,1 mln. manatlıq məhsul istehsal edilib.

Dövlət Statistika Komitəsindən "APA-Economics"ə verilən məlumata görə, əvvəlki ilin müvafiq dövrü ilə müqayisədə rezin və plastik kütlə məmulatlarının istehsalı 19,8%, kimya sənayesi məhsullarının istehsalı 8,1%, əczaçılıq məhsullarının istehsalı isə 4,6% artıb.

Məlumata görə, kimya sənayesi məhsullarından polietilen istehsalı 29,8%, etilen istehsalı 27,9%, propen (propilen) istehsalı 21,6%, rezin və plastik kütlə məmulatlarından plastmas butulkalar, flakonlar və oxşar məmulatların istehsalı 87,7%, sərt plastmasdan borular, borucuqlar, qolçaqlar və şlanqların istehsalı 26,5%, plastmas çubuqlar, millər və profillərin istehsalı isə 7,3% artıb.

Kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində istehsal edilmiş əsas məhsullar:

Məhsul növləri	2024-cü ilin yanvar- oktyabr aylarında istehsal edilmişdir	Əvvəlki ilin müvafiq dövrünə nisbətən, faizlə	01.11.2024-cü il vəziyyətinə hazır məhsul ehtiyatı
Kimya sənayesi məhsulları
Təsirsiz qazlar, min kub metr	37058,2	96,7	231,3
ondan:
azot, min kub metr	19817,7	113,3	44
Lak-boya məmulatları, ton	34828,1	105,8	434,5
Qeyri-üzvi kimyəvi maddələr, ton	27610	131,1	6 780
ondan:
yod, ton	172,2	98,7	19,9
Üzvi kimyəvi maddələr, min ton	783	97,9	11
ondan:
etilen, min ton	126,1	90,5	-
propen (propilen), min ton	119,6	93,5	0,7
metanol (metil spirti), min ton	421,4	105,7	7,3
Etil spirti, min dkl	58,1	180,4	3,6
Gübrə və azot birləşmələri, min ton	531,7	152,7	65,5
ondan:
karbamid, min ton	531,7	152,8	65,5
İlkin formada plastik kütlə, min ton	244,2	91,5	26,6
ondan:
polietilen, min ton	120,5	88,6	13,5
Yapışqan və yapışdırıcı maddələr, min ton	109,7	109,2	7