Sənaye və energetika

Ana səhifə

Azərbaycanda kimya sənayesi məhsullarının istehsalı artıb - CƏDVƏL

17 oktyabr 2022 16:05 (UTC +04:00)

Bu ilin yanvar-sentyabr aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 1 735 mln. manatlıq məhsul istehsal edilib.

Dövlət Statistika Komitəsindən “APA-Economics”ə verilən məlumata görə, əvvəlki ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 38,1%, rezin və plastik kütlə məmulatlarının istehsalında 6,5%, kimya sənayesi məhsullarının istehsalında isə 5,5% artıb.

Məlumata görə, rezin və plastik kütlə məmulatlarından bərk polietilen borular, borucuqlar, şlanqlar, qolların istehsalı 62,7%, kimya sənayesi məhsullarından metanol (metil spirti) istehsalı 61,7%, lak-boya məmulatlarının istehsalı 13,3% artmış, məsaməli polistirol lövhələr və zolaqların istehsalı isə 32,4% azalıb.

Azərbaycanda əsas kimya məhsullarının istehsalı dinamikası:

Məhsul növləri	2022-ci il, yanvar-sentyabr	2021-ci ilə müvafiq göstəricisinə nisbətən, %
Azot, min kubmetr	17 436,4	103,3
ondan əmtəəlik	1 105,6	171,4
Yod, ton	143,5	114,3
Oksigen, min kubmetr	3 931,6	52,7
ondan əmtəəlik	3 662,5	49,3
Propilen, min ton	92,6	87,9
ondan əmtəəlik	88,5	89,7
Polietilen, min ton	94,9	78
Etilen, min ton	97,5	78,8
Metanol (metil spirti), min ton	402,3	161,7
Lak-boya məmulatları, ton	23 591,4	113,3
Sair üzvi kompozisiya həllediciləri və durulaşdırıcıları, ton	41 652,1	130