Sənaye və energetika

Ana səhifə

Azərbaycanda kimya sənayesi məhsullarının istehsalı azalıb - CƏDVƏL

16 fevral 2024 10:02 (UTC +04:00)

Cari ilin yanvar ayında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 166,8 milyon manatlıq məhsul istehsal edilib.

Dövlət Statistika Komitəsindən “APA-Economics”ə verilən məlumata görə, əvvəlki ilin yanvar ayı ilə müqayisədə əczaçılıq məhsullarının istehsalı 2,8 dəfə, rezin və plastik kütlə məmulatlarının istehsalı 41% artıb, kimya sənayesi məhsullarının istehsalı isə 1,4% azalıb.

Məlumata görə, kimya sənayesi məhsullarından yod istehsalı 6,1%, etilen istehsalı 10,3%, propen (propilen) istehsalı 24,3%, polietilen istehsalı 28,3% azalıb, rezin və plastik kütlə məmulatlarından sərt plastmasdan borular, borucuqlar, qolçaqlar və şlanqların istehsalı 64,9%, məsaməli plastik kütlədən sair plastilinlər, lövhələr istehsalı 56,9%, polietilendən kisə və çantalar istehsalı isə 48,1% artıb.

Azərbaycanda əsas kimya məhsullarının istehsalı dinamikası:

Məhsul növləri	2024-cü ilin yanvar ayında istehsal edilmişdir	Əvvəlki ilin müvafiq ayına nisbətən, faizlə	01.02.2024-cü il vəziyyətinə hazır məhsul ehtiyatı
Kimya sənayesi məhsulları
Təsirsiz qazlar, min kub metr	3480,8	83,3	169,9
ondan:
azot, min kub metr	1959,5	104,8	68,0
Lak-boya məmulatları, ton	1644,2	123,5	304,2
Qeyri-üzvi kimyəvi maddələr, min ton	2260,0	123,5	6620,0
ondan:
yod, ton	16,8	93,9	24,4
Üzvi kimyəvi maddələr, min ton	85,3	94,7	27,9
ondan:
etilen, min ton	13,1	89,7	1,6
propen (propilen), min ton	10,9	75,7	1,1
metanol (metil spirti), min ton	49,0	104,3	17,6
Etil spirti, min dkl	-	-	25,8
Gübrə və azot birləşmələri, min ton	59,1	150,8	43,6
ondan:
karbamid, min ton	59,1	150,8	43,6
İlkin formada plastik kütlə, min ton	22,0	77,7	24,8
ondan:
polietilen, min ton	10,9	71,7	15,1
Yapışqan və yapışdırıcı maddələr, min ton	6,1	88,4	6,6