Bu ilin yanvar-sentyabr aylarında Azərbaycanda günəş enerjisi ilə işləyən stansiyalar 49,5 mln. kVt-saat elektrik enerjisi istehsal edib ki, bu da illik müqayisədə 15,4% çoxdur.
"APA-Economics"in Dövlət Statistika Komitəsinə istinadən verdiyi məlumata görə, hesabat dövründə küləklə işləyən stansiyalar tərəfindən 32,7 kVt-saat elektrik enerjisi istehsal edilib (-50,2%).
Qeyd edək ki, bu ilin yanvar-sentyabr aylarında Azərbaycanda 20 251 mln. kVt-saat elektrik enerjisi istehsal edilib ki, bu da illik müqayisədə 4,8% çoxdur. İstehsal edilən əmtəəlik elektrik enerjinin həcmi hesabat dövründə 19 578,3 mln. kVt-saat təşkil edib (+4,5%).