Sənaye və energetika

Ana səhifə

Azərbaycanda metanolun istehsalı 2,2 dəfə artıb

19 oktyabr 2019 13:44 (UTC +04:00)

Azərbaycanda bu ilin yanvar-sentyabr aylarında kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 760,6 mln. manatlıq məhsul istehsal edilib, əvvəlki ilin müvafiq dövrü ilə müqayisədə kimya sənayesində 20,6%, rezin və plastik kütlə məmulatlarının istehsalında 26,1%, əczaçılıq məhsullarının istehsalında isə 12,6% artım olub.

Dövlət Statistika Komitəsindən “APA-Economics”ə verilən məlumata görə, əsas kimya məhsullarından metanolun istehsalı 2,2 dəfə, lak-boya məmulatlarının istehsalı 79,6%, propilen istehsalı 59,2%, etilen istehsalı 14,5%, yod istehsalı 5,4% artıb.

Azərbaycanda kimya məhsullarının istehsalı dinamikası:

Məhsul növləri	2019-cu ilin yanvar-sentyabr aylarında istehsal edilib	Əvvəlki ilin müvafiq dövrünə nisbətən, %
Azot, min kub metr	17 047,4	94,9
ondan əmtəəlik	724,5	44,5
Yod, ton	144,3	105,4
Oksigen, min kub m	2 588,1	69,9
ondan əmtəəlik	2 540,4	71,5
Propilen, min ton	74,7	159,2
ondan əmtəəlik	74,4	184,6
Polietilen, min ton	76,9	92,4
Etilen, min ton	98	114,5
Metanol (metil spirti), min ton	277,4	2,2 d.
Lak-boya məmulatları, ton	17 832	179,6
Sair üzvi kompozisiya həllediciləri və durulaşdırıcıları, ton	19 909,4	158,4