Sənaye və energetika

Ana səhifə

Azərbaycanda metanolun istehsalı 5 dəfəyədək artıb - CƏDVƏL

20 iyun 2022 11:37 (UTC +04:00)

Bu ilin yanvar-may aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 946,6 mln. manatlıq məhsul istehsal edilib.

Dövlət Statistika Komitəsindən “APA-Economics”ə verilən məlumata görə, əvvəlki ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 2,1 dəfə, kimya sənayesi məhsullarının istehsalında 25,2%, rezin və plastik kütlə məmulatlarının istehsalında isə 19,9% artıb.

Məlumata görə, hesabat dövründə rezin və plastik kütlə məmulatlarından bərk polietilen borular, borucuqlar, şlanqlar, qolların istehsalı 66,6%, məsaməli polistirol lövhələr və zolaqların istehsalı 3,9%, kimya məhsullarından lak-boya məmulatlarının istehsalı isə 15,8% artıb.

Azərbaycanda əsas kimya məhsullarının istehsalı dinamikası:

Məhsul növləri	2022-ci il, yanvar-may	2021-ci ilə müvafiq göstəricisinə nisbətən, %
Azot, min kubmetr	9 377,3	103
ondan əmtəəlik	353,3	2,5 dəfə
Yod, ton	64,6	94,6
Oksigen, min kubmetr	2 240,8	56,8
ondan əmtəəlik	2 226,4	56,7
Propilen, min ton	42,5	72,2
ondan əmtəəlik	39,7	72,2
Polietilen, min ton	45,5	67
Etilen, min ton	44,8	65,2
Metanol (metil spirti), min ton	230,1	4,9 dəfə
Lak-boya məmulatları, ton	10 901,9	115,8
Sair üzvi kompozisiya həllediciləri və durulaşdırıcıları, ton	19 452,8	115,3