Sənaye və energetika

Ana səhifə

Azərbaycanda tikinti materiallarının istehsalı kəskin artıb - CƏDVƏL

16 fevral 2022 17:00 (UTC +04:00)

Azərbaycanda tikinti materiallarının istehsalı sahəsində 2022-ci il yanvar ayında istehsalın ümumi dəyəri 62,3 mln. manat olmaqla, əvvəlki ilin müvafiq ayı ilə müqayisədə 85,1% artıb.

Dövlət Statistika Komitəsindən “APA-Economics”ə verilən məlumata görə, emal edilən mərmər travertin, alebastr və onlardan məmulatların istehsalı 4,4 dəfə, sementdən, süni daşdan və ya betondan tikinti blokları və kərpiclərinin istehsalı 3,5 dəfə, betondan yığma tikinti konstruksiyaların istehsalı 69,4%, tikinti kərpicinin istehsalı 44,4%, tikinti gipsinin istehsalı 18,2% artıb, tikinti əhənginin istehsalı 9,4%, sementin istehsalı isə 6% azalıb.

Tikinti materiallarının istehsalı sahəsində istehsal edilən əsas məhsullar:

Mәhsul növlәri	2022-ci ilin yanvar ayında istehsal edilib	Әvvәlki ilin müvafiq ayına nisbәtәn, faizlә
Sement, min ton	219,5	94,0
Tikinti gipsi, min ton	1,3	118,2
ondan әmtәәlik	-	-
Tikinti әhәngi, min ton	2,9	90,6
Sementdәn, süni daşdan vә ya betondan tikinti blokları vә kәrpiclәri, min ton	11,2	3,5 d.
Betondan yığma tikinti konstruksiyaları, min kub metr	6,1	169,4
Asfalt, min ton	4,5	132,4
Tikinti kәrpici, min kubmetr	191,4	141,7
Hörmә üçün hazır beton qarışığı, min ton	1 230,1	141,6
Emal edilmiş mәrmәr, travertin, alebastr vә onlardan mәmulatlar, ton	1388,7	4,4 d.