Cari ilin yanvar-noyabr aylarında Bakı üzrə sənayedə istehsal olunmuş malların və göstərilmiş xidmətlərin həcmi 39,2 mlrd. manat təşkil edib, bu da illik müqayisədə 45,2% çoxdur.
Baki Statistika İdarəsindən “APA-Econopmics”ə verilən məlumata görə, sənaye məhsulunun 76,4%-i mədənçıxarma, 20,6%-i emal, 2,3%-i elektrik enerjisi, qaz və buxar istehsalı, bölüşdürülməsi və təchizatı, 0,7%-i isə su təchizatı, tullantıların təmizlənməsi və emalı sektorlarında istehsal olunub. Sənayedə qeyri-dövlət sektorunun payı 83,8% olub. İstehsalın ümumi həcmində sənaye məhsulunun payı 92%, sənaye xarakterli xidmətlərin göstərilməsi isə 8% faiz təşkil edib.
“İstehsal edilmiş məhsulun böyük hissəsi istehlakçılara göndərilmiş, əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 01 dekabr 2021-ci il vəziyyətinə 306,3 mln. manatlıq hazır məhsul ehtiyatı olub”, - məlumatda bildirilir.
Qeyd edilir ki, sənaye müəssisələrinin anbarlarında başqa müəssisələrdən alınmış və satış üçün nəzərdə tutulmuş 74,2 mln. manat məbləğində digər məhsullar da mövcud olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
