Azərbaycan “Cənub Qaz Dəhlizi” sayəsində enerji təhlükəsizliyi və enerji şaxələndirilməsi prioritetlərinə qlobal miqyasda töhfə veriləcək.
Energetika Nazirliyindən “APA-Economics”ə verilən məlumata görə, bu barədə Azərbaycanın Energetika naziri Pərviz Şahbazov Qaz İxrac Edən Ölkələr Forumunun (GECF) 21-ci Nazirlər Görüşündə çıxış edərək bildirib.
Onun sözlərinə görə, qarşıdakı iki il ərzində Azərbaycan qaz hasilatını 30 mlrd. kubmetrdən 46 mlrd. kubmetrədək çatdırmağa planlaşdırır. Bu da “Şahdəniz” qaz-kondensat yatağından başqa digər qaz yataqlarının işlənməsinə başlanmasını nəzərə alınmaqla proqnozlaşdırılır.
Qeyd edək ki, bu ilin yanvar-avqust ayları ərzində Azərbaycanda 23,1 mlrd. kubmetr qaz hasil edilib. Bu, illik müqayisədə 18,8% çoxdur.
Xatırladaq ki, Dövlət Statistika Komitəsinin məlumatına əsasən, 2018-ci ildə ölkədə 30,6 mlrd. kubmetr qaz hasil edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
