Azərbaycan Cənub Qaz Dəhlizinin əsas stimullaşdırıcısı kimi strateji rol oynamaqda və Avropaya təhlükəsiz, stabil və sərfəli enerji tədarükü üçün səylərini davam etdirir. Qaz qiymətlərinin qlobal səviyyədə son artımı tədarükün şaxələndirilməsinin zəruriliyini bir daha nümayiş etdirib.
APA xəbər verir ki, bunu İrəvanda AVRONEST Parlament Assambleyasının Enerji təhlükəsizliyi, siyasi məsələlər, insan hüquqları və demokratiya komitələrinin birgə iclasında çıxış edən Azərbaycanın nümayəndə heyətinin üzvü deputat Soltan Məmmədov deyib.
Deputat Qərbi Balkanlar da daxil olmaqla, Cənub Qaz Dəhlizinin yeni enerji bazarlarına doğru mümkün genişləndirilməsinin araşdırılmasında bütün maraqlı tərəflərin səylərini vurğulayıb: "Növbəti addım olaraq, Cənub Qaz Dəhlizinin gələcəkdə hər hansı genişləndirilməsinin həyata keçirilməsi zamanı ortaya çıxa biləcək bütün kommersiya, ekoloji, texniki, tənzimləmə və iqlimlə bağlı məsələlərin qiymətləndirilməsi vacibdir".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
