Rusiya baş nazirinin müavini Aleksandr Novak “OPEC+” sazişində iştirak edən digər ölkələrin neft hasilatının əlavə könüllü azaldılmasına qoşula biləcəyini istisna etməyib.
“APA-Economics”in Rusiya mətbuatına istinadən verdiyi məlumata görə, digər ölkələr də bazarı sabitləşdirmək üçün, zəruri hesab etsələr, özlərinə aid bəzi əlavə ixtisarlara qoşula bilər.
Bundan əvvəl bir neçə “OPEC+” ölkəsi (9 ölkə - red.) may ayından 2023-cü ilin sonuna qədər gündəlik neft hasilatını könüllü azaldacaqlarını açıqlamışdı. Rusiyanın payı da daxil olmaqla ümumi azalma sutkada 1,66 mln. barel təşkil edəcək. Bu həcm 2022-ci ilin noyabr ayından etibarən qüvvədə olan 2 mln. barel azalmaya əlavə olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
