Beynəlxalq Enerji Agentliyi (IEA) 2021-2022-ci illər üçün qlobal neft tələbatı üzrə proqnozunu azaldıb.
"APA-Economics"in IEA-in noyabr hesabatına istinadən verdiyi məlumata görə, 2021-ci il ildə gündəlik tələbatın artım tempi 5,4 mln. barel səviyyəsində qalacaq, bu da əvvəlki proqnoz göstəricisi ilə müqayisədə 0,1 mln. barel azdır.
Hesabata əsasən, Agentlik 2022-ci il üçün sözügedən göstərici üzrə proqnozunu azaldaraq (-0,1 mln. barel) 3,3 mln. barelədək endirib.
"COVID-19-a yeni yoluxma dalğasının qlobal neft tələbatının bərpasını yavaşladacağı gözlənilir. Təsir altında ilk növbədə, hava nəqliyyatı olacaq", - hesabatda deyilir.
Noyabr proqnozuna görə, 2021-ci ildə neftə olan gündəlik qlobal tələbat 96,19 mln. barel, 2022-ci ildə isə bu 99,53 mln. barel səviyyəsində olacağı ehtimal edilir. 2020-ci ildə bu göstərici 90,83 mln. barel səviyyəsində olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
