Bu il Türkiyədə təbii qaz istehlakı keçən ilin göstəricisinə nisbətən 10-12% az olacaq.
“APA-Economics”in Türkiyə mətbuatına istinadən verdiyi xəbərə görə, bu barədə ölkənin enerji və təbii sərvətlər naziri Fatih Dönməz bildirib.
Nazir ölkədə elektrik enerjisi istehsalında bərpa olunan enerjinin payının daha yüksək olduğunu bildirərək, bu il təbii qaz istehlakının keçən ilə nisbətən 10-12% az olacaqını qeyd edib.
Fatih Dönməz onu da əlavə edib ki, Rusiyadan Türkiyə, Cənubi və Cənubi-Şərqi Avropaya qaz tədarükünü təmin edən "Türk axını" boru kəməri tam buraxılış gücünə yaxın həcmdə fəaliyyət göstərir.
“Saros” üzən LNG (mayeləşdirilmiş təbii qaz) saxlama və qazlaşdırma qurğusu gələn ilin yanvar ayında istifadəyə veriləcəyini qeyd edən Fatih Dönmez, Omanla LNG alınması ilə bağlı danışıqların davam etdiyini və müsbət olduğunu bildirib.
Xatırladaq ki, Türkiyənin keçən il təbii qaz istehlakı 59,8 mlrd. kubmetr olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
