Bazar ertəsi səhər saatlarına olan məlumata görə, "OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) ölkələrinin nazirləri Rusiyanın Ukraynada hərbi əməliyyata başlamasından sonra neft bazarında artan volatilliyə dair ayrıca məsləhətləşmələr aparmayıblar.
"APA-Economics"in xəbərinə görə, bu barədə TASS-a alyans nümayəndə heyətlərindəki iki mənbəyə istinadən məlumat verir.
Agentliyin həmsöhbətləri bildirirlər ki, eyni zamanda, OPEC katibliyi vəziyyətin monitorinqini gücləndirib.
"Bu məsələ ilə bağlı ayrıca məsləhətləşmələr aparılmayıb. Vəziyyəti izləyirik", - mənbələrdən biri deyib. O, əlavə edib ki, "OPEC+" baş verənləri diqqətlə izləyir, lakin hələlik hər şeyin tez bitəcəyinə ümid edir.
TASS-ın digər həmsöhbəti vəziyyətin ayrı-ayrı xüsusi sessiyalar çərçivəsində təhlilinin OPEC katibliyi səviyyəsində aparıldığını təsdiqləyib. Sonra bütün məlumatlar razılaşmada iştirak edən ölkələrinin nazirlərinə təqdim edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
