2045-ci ilə qədər qlobal neft sektoruna 12 trln. ABŞ dollarından çox həcmdə sərmayə lazımdır.
“APA-Economics”in Neft İxrac Edən Ölkələr Təşkilatına (OPEC) istinadən verdiyi xəbərə görə, bunu OPEC-in baş katibi Heysəm əl-Qais Dubayda keçirilən neft-qaz konfransı zamanı bildirib.
Onun sözlərinə görə, 2045-ci il üçün qlobal iqtisadiyyatın bugünkündən iki dəfə, dünya əhalisinin 1,6 mln. nəfər artacağı gözlənilir. Qlobal iqtisadi və demoqrafik dəyişikliklər nəticəsində enerji tələbatının indidən 2045-ci ilə qədər əhəmiyyətli dərəcədə 23% artacağı proqnozlaşdırılır.
“Tələbin bu cür artması sənayemizə adekvat sərmayə qoyulmasını zəruri edir. Qlobal neft sektorunun 2045-ci ilə qədər 12,1 trln. ABŞ dolları həcmində məcmu sərmayəyə ehtiyacı olacaq”, - Heysəm əl-Qais qeyd edib.
OPEС-in fikrincə, karbohidrogen sənayesinə sərmayə qoyuluşunun olmaması enerji təhlükəsizliyinə əngəllər yaradır, enerji bazarının qeyri-sabitliyinə və iqtisadi artımın ləngiməsinə səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
