Sənaye və energetika

Ana səhifə

Özbəkistan, Qazaxıstan və Azərbaycan Avropaya “yaşıl enerji” ixracına dair saziş imzalayacaq

12 noyabr 2024 16:45 (UTC +04:00)

Özbəkistan, Qazaxıstan və Azərbaycan Avropaya “yaşıl enerji” ixracına dair saziş imzalayacaq.

Bunu APA-ya açıqlamasında Özbəkistanın energetika naziri Jurabek Mirzamahmudov deyib.

“Mən Azərbaycanı belə bir böyük beynəlxalq tədbiri bu cür əla səviyyədə təşkil etdiyinə görə təbrik etmək istərdim. Bu, həqiqətən də Azərbaycanın iqlim dəyişikliyinə, yaşıl iqtisadiyyata sadiqliyini göstərir və üstəlik, COP29 nəinki insanlarla görüşmək, məsələləri müzakirə etmək, həm də yeni layihələrə başlamaq imkanı verir və biz çox şadıq ki, sabah biz - Özbəkistan, Qazaxıstan və Azərbaycan Avropaya “yaşıl enerji” ixracına dair saziş imzalayacağıq”, - nazir vurğulayıb.

O xatırladıb ki, Özbəkistan Azərbaycan əraziləri işğaldan azad etdikdən sonra ilk olaraq Füzulidə məktəb tikib: “Bu, həqiqətən də Özbəkistanın Azərbaycanla əməkdaşlığa necə dəyər verdiyini və bizim nə qədər yaxın qardaş olduğumuzu göstərir. Ticarət, tranzit, enerji sahəsində əməkdaşlığımız davam etməyə və yüksəlməyə davam edir və prezidentlərimizin münasibətləri və dəstəyi sayəsində bu əməkdaşlıq daha da böyüyəcək”.