Sənaye və energetika

Ana səhifə

Pərviz Şahbazov: "OPEC üzrə təcili toplantının keçirilməsi istisna edilir"

19 sentyabr 2019 13:24 (UTC +04:00)

Azərbaycan Neft İxrac Edən Ölkələr Təşkilatı (OPEC) və OPEC+ üzrə nazirlərin təcili toplantısının keçirilməsini istisna edir.

"APA-Economics"in məlumatına görə, bu barədə Azərbaycanın Energetika naziri Pərviz Şahbazov YAP-ın qərargahında keçirilən mətbuat konfrans zamanı bildirib.

Onun sözlərinə görə, bu yaxınlarda Səudiyyə Ərəbistanın neft obyektlərinə edilən hücumlar ümumi dünya bazarlarında neftə olan qiymətlərə böyük təsir göstərməyib.

İnsidentdən sonra bir neçə gün neft bazarında qeyri-stabillik yer alsa da, hazırda vəziyyət normallaşıb.

P. Şahbazovun sözlərinə görə, o, OPEC-in Baş katibi Məhəmməd Sanusi Barkindo ilə telefonla danışıqlar aparıb və tərəflər hazırda neft bazarında olan vəziyyəti müzakirə edib: “Hazırda belə bir görüşün keçirilməsində ehtiyac yoxdur. Neft bazarında vəziyyət stabildir, qiymətlər da sabitləşir”.