Hazırda dünyada neftin qiymətləri sabitdir və onların azalmaqdan daha çox artımı ehtimalı var.
“APA-Economics”in Rusiya mətbuatına istinadən verdiyi məlumata görə, bu barədə Rusiya prezidentinin köməkçisi Maksim Oreşkin bildirib.
“Qlobal bazara nəzər salsanız, görərsiniz ki, dünyada neft ehtiyatları çox ciddi şəkildə azalır, bu o deməkdir ki, indiki səviyyədən onların (neftin qiymətləri - red.) azalmaqdan daha çox artım ehtimalı var. Ona görə də onlar sabitdir və mən əminəm ki, gələcəkdə, hətta indiki və daha yüksək qiymətlər qalsa belə, OPEC+ üçün hasilatı artırmaq üçün məkan olacaq”, - Maksim Oreşkin qeyd edib.
O əlavə edib ki, ilin birinci yarısında neftin qiyməti kifayət qədər aşağı düşüb, lakin indi bərpa olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
